कञ्चनपुरमा सरकारी सम्पत्ति जोगाउन प्रहरीले गोली हानेको हो : गृहमन्त्रालय

भदौ ९, काठमाण्डौ । निर्मला पन्तको बलात्कारपछि हत्या घटनामा प्रहरी अनुसन्धानप्रति असन्तुष्टि जनाउँदै प्रदर्शनमा उत्रिएका स्थानीयमाथि प्रहरीले गोली प्रहार गर्दा एक जनाको मृत्यु भएपछि गृह मन्त्रालयमाथि चुनौति थपिएको छ ।

गोली प्रहारप्रति चौतर्फि आलोचना भएपछि मन्त्रालयले विज्ञप्ति जारी गर्दै सरकारी सम्पत्तिमाथि आक्रमण हुन थालेपछि गोली प्रहार गर्नुपरेको उल्लेख गरेको छ ।

शुक्रबार राति बिज्ञप्ती जारी गर्दै गृहले सरकारी सम्पत्ति तथा धनजनको क्षति पुग्ने गतिविधि हुन थालेपछि स्थितिलाई सामान्यीकरण गर्न र स्थानीय प्रशासनले शान्ति सुरक्षा कायम गर्दा गोली प्रहार भएको जनाएको छ ।

गृहले सम्पूर्ण घटनाको निष्पक्ष छानबिन गरिने विश्वास दिलाएको छ ।

उच्च स्तरीय छानबिन समितिले काम सुरु गरिसकेकाले घटनाको निष्पक्ष छानबिन र दोषीलाई कारवाही गर्नमा सबैलाई सहयोग गर्न अनुरोध गरेको छ ।

प्रदर्शनमा उत्रिएका स्थानीयमाथि प्रहरीले गोली चलाउँदा शुक्रबार महेन्द्रनगर, भगतपुरका १४ वर्षीय सन्नी खुनाको मृत्यु भएको थियो । शुक्रबारको घटनामा प्रहरीको गोली र लाठीचार्जबाट २४ जना घाइते भएका छन् ।

सम्बन्धित समाचार :