काठमाडौं । स्पेनको सबैभन्दा ठूलो घरेलु लिग ला लिगामा आज बार्सिलोनाले आज भल्लाडोलिडसंगको भिडन्तमा उत्रदै छ। गत सिजन लामो समय अपराजित रहेको बार्सिलोना आज भाल्लाडोलिडसँग उसकै मैदानमा उत्रिँदा अर्को सहज जितका लागि प्रयास गर्ने अनुमान गरिएको छ ।
बार्सिलोनाले अहिले खातामा ३ अंक बनाएको छ भने भाल्डोलिडको खातामा मात्रै १ अंक छ । अघिल्लो खेलमा बार्सिलोनाले अलाभेसलाई ३–० ले स्तब्ध बनाउँदा भाल्लाडोलिड भने जिरोनासँग गोलरहित बराबरीमा रोकिँदै अंक बाँडेको थियो । भाल्लाडोलिड यसै सिजन लिगमा फर्किएको टोली हो ।
अघिल्लोपटक जिरोनाविरुद्ध खेलमा भाल्लाडोलिडले उच्च रक्षात्मक खेल खेलेको थियो। जसले गर्दा खेल गोलरहित बराबरीमा रहन पुगेको थियो ।
आजको खेल नेपाली समयअनुसार आइतबार बिहानीपख २ बजेबाट सुरु हुँदैछ ।
