काठमाडौं ।
गजल
दिन रात बिक्री हुने जवानी लेख्दैछु ।
बन्द कोठा भित्रको कहानी लेख्दैछु ।।
मसंगै रात बिताएर ऊ मर्द कहलियो ।
म भने उपनाम वेश्यारानी लेख्दछु ।।
बाच्नै पर्ने बाध्यताभित्र जेलिएर मैले ।
मरितुल्य जीवनको निशानी लेख्दैछु ।
आफन्तबाटै लुटिएको शहर कुन हो ?
त्यसैको प्रतिउत्तर राजधानी लेख्दैछु ।
गल्ती भए माफ गर्नुहोस् है न्यायाधीश ।
निवेदन यो मैले जानी नजानी लेख्दैछु ।।
देबकी लामिघाते
बलेफी गापा,सिन्धुपाल्चोक
