काठमाडौं, २६ कात्तिक । प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेल समूहका नेताहरुको बैठक कांग्रेस नेतृ सुजाता कोइरालाको निवास मण्डिखाटारमा सम्पन्न भएको छ । बैठकमा नेता पौडेलसँगै महामन्त्री डा शशांक कोइराला, प्रकाशमान सिंह, अर्जुननरसिंह केसी, डा प्रकाशशरण महत, डा शेखर कोइराला र सुजाता कोइराला सहभागी छन्।
सभापति शेरबहादुर देउवाविरुद्ध अब सशक्त रुपमा उत्रिने पौडेल पक्षको चेतावनी छ । त्यस्तै पार्टी उपसभापतिमा विजयकुमार गच्छदारलाई मनोनीत गरिएको प्रक्रियाप्रति पौडेल समूह असन्तुष्ट छ।
उनीहरुले महासमिति बैठक हठात् सारिएको भन्दै सभापति शेरबहादुर देउवाको पौडेलले आलोचना गरेका छन्। महासमिति बैठक,उपसभापतिमा गच्छदारको मनोनित प्रक्रिया, विधान र नेविसंघको विषयमा बैठकमा छलफल भइरहेको बताइएको छ।
