काठमाडौं, २७ मंसिर । प्रमुख प्रतिपक्षी दल नेपाली कांग्रेसभित्र यतिवेला सभापति शेरबहादुर देउवा र बरिष्ठ नेता रामचन्द्र पौडेलबीचको विवाद उत्कर्षमा पुगेको छ । पार्टीको महासमिति बैठक भोलिबाट सुरु हुँदैछ । तर, महासमिति बैठकको मुखमा बरिष्ठ नेता पौडेल क्याम्प छोडेर चार जना प्रभावशाली नेताहरु देउवा क्याम्पमा प्रवेश गरेका छन् ।
देउवानिकट नेता एवम् केन्द्रिय सदस्य महेन्द्र यादवले दिएको जानकारी अनुसार पौडेल क्याम्प छोडेर देउवा क्याम्पमा जाने नेताहरुमा आनन्द ढुंगाना, महेश आचार्य, गुरु घिमिरे र गोविन्द भट्टराई रहेका छन् । चार जना नेताहरुले आफ्नो क्याम्प छोडेसँगै नेता पौडेल भने यतिवेला तनाबमा परेका छन् ।
