काठमाडौं, ४ पुस । प्रमुख प्रतिपक्षी दल नेपाली कांग्रेसका महासमिति सदस्य एवम् प्रदेश सभा सदस्य कर्णबहादुर मल्लले सभापति शेरबहादुर देउवाले हिन्दूराष्ट्रको पक्षमा हस्ताक्षर नगरे आफूले सम्बन्ध नै तोड्ने चेतावनी दिएका छन् ।
डढलेधुरा जिल्ला सभापति समेत रहेका नेता मल्लाले पत्रकार ऋषि धमलासँग प्राईम टाईम्स टेलिभिजनको लागि कुरा गर्दै यस्तो चेतावनी दिएका हुन् ।उनले पार्टी नेताहरुले अब कार्यकर्ताहरुलाई अर्जुन बनाउनुपर्ने र आफू युधिष्ठिर बन्नुपर्ने सुझाव दिएका छन् ।
अब मुलुकमा समृद्धिको नेतृत्वपनि कांग्रेसले नै गर्ने उनको जिकिर छ । उनले भनेका छन,‘अब मुलुकलाई कम्युनिष्टविहीन बनाउनुपर्छ । त्यसको लागि कांग्रेस एकतावद्ध भएर अघि बढ्नुपर्छ ।’
उनले ८७१ महासमिति सदस्यरुले हिन्दुराष्ट्रको पक्षमा हस्ताक्षर गरिसकेकोले यो मुद्दा बैठकमा जोडदारसँग उठ्ने पनि जानकारी दिए । फरक प्रसँगमा उनले सरकारले संविधानमाथि आक्रमण गरिरहेको आरोप लगाए ।
सरकार गठन भएको ९ महिना बितेको र यो अवधिमा महँगीपनि प्रत्येक महिना दोब्बर भएको उनको आरोप छ । बलात्कारीको हत्यारा संरक्षणमा सरकार आँफै नायकत्व गरिरहेको पनि उनले आक्रोश पोखे ।
