काठमाडौं, २ चैत । साफ च्याम्पियनसिप महिला फुटबल अन्तर्गत नेपालले बंगलादेशलाई ३-० ले पराजित गरेको छ । सहिद रंगशालामा नेपालले शनिबार बंगलादेशलाई ३-० को अन्तरले पाखा लगाएको हो ।
शनिबारको जितसँगै नेपाल समूह ए को विजेता बनेको छ । नेपालका लागि सावित्रा भण्डारी र मञ्जली कुमारी योञ्जनले एक एक गोल गरे भने एक गोल नेपालले उपहार पाएको हो । नेपाल र बंगलादेश दुवै यसअघि नै सेमिफाइनल प्रवेश गरिसकेका छन् ।
