धरान, २५ चैत । जिल्लाको धरानमा यात्रुबाहक बस दुर्घटना हुँदा ४ जनाको मृत्यु भएको छ। २१ जना घाइते भएका छन्। केही समयअघि धरान १३, जिरोपोइन्टमा बस दुर्घटना हुँदा चालकसहित ४ जनाको मृत्यु भएको छ भने २ दर्जन बढी घाइते भएका छन्। घाइतेहरुको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ।
धनकुटाको चौबिसे गाउँपालिकास्थित ६ नम्बर बुधबारेबाट धरान आउदै गरेको बस दिउँसो करिब १ बजेतिर दुर्घटना भएको हो। बस ब्रेक फेल भएको अनुमान छ। जिरोपोइन्टमा बस पल्टिएर विजुलीको पोलमा ठोक्किएको थियो।
ना ६ ख २७१३ नम्बरको बस विजुलीको पोलमा ठोकिदा अगाडिको भाग च्यापिदा घाइते चालकलाई समयमै उद्दार गर्न नसक्दा घटनास्थलमा नै ज्यान गएको प्रहरीको भनाई छ। बसमा कति यात्रु थिए भन्ने खुलेको छैन। घाइतेहरु ३० भन्दा बढी रहेको अनुमान छ।
