काठमाडौं, १६ वैशाख । सरकार र स्थानीय तहको पहलमा पहिलो पटक सगरमाथा हिमाल सफाइमा पुगेको टोलीले तीनवटा शव फेला पारेको छ ।
नेपाल पर्वतारोहण संघका सचिव टीकाराम गुरुङका अनुसार सगरमाथाको दोस्रो क्याम्प, चुचुरोनजिक साउथ कोल र ल्होत्से हिमालको टुप्पो नजिक एक/एक वटा शव भेटिएका हुन् ।
ती शवबारे विस्तृत विवरण आइनसकेको संघले जनाएको छ ।
विदेशी सञ्चारमाध्यमले हालसम्म आरोहणका क्रममा मृत्यु भएकामध्ये १९५ को शव त्यहीँ रहेको दावी गर्दै आएका छन् । –कान्तिपुर दैनिकबाट
