काठमाडौं, २७ बैशाख । ७ औं इन्डो नेपाल कराते प्रतियोगिता आजबाट सुरु भएको छ । २ सय २३ जना प्रतियोगि रहेको कराते प्रतियोगिता शुक्रबारबाट बालुवाटारमा सुरु भएको हो । प्रतियोगितामा भारतका ३३ र नेपालका १ सय ९० खेलाडि सहभागि रहेको आयोजक नेपाल गोजुकाई कराते डो संघले जनाएको छ ।
प्रतियोगिताको उद्घाटन गर्दै राष्ट्रिय खेलकुद परिषद्का उपाध्यक्ष पिताम्बर तिमिल्सिनाले अव नेपालमा खेल खेलेरै जिवन निर्वाह गर्न सकिने वातावारण राखेप बनाउन लागिपरेको बताए । अब बन्ने विद्येकले समेत खेलाडिलाई खेल खेलेरै जिउन सक्ने वातावरण बनाउने बताए ।
कार्यक्रममा नेपाल गोजुकाई कराते डो संघका उपाध्यक्ष अच्युतराज उपे्रतीले आफुहरु कसैको सहयोगबाट नभई आफ्नै बलबुताले विभिन्न प्रतियोगिता गरिरहेको स्पष्ट पारे । उनले फिलिपिन्स हुने सातौं एसीएन प्यासिफिक गोजुकाई कराते प्रतियोगितामा राष्ट्रिय खेलकुद परिषदबाट सहयोग भए खेलाडीहरुले देशलाई मेडल दिलाउन सक्ने बताए ।
दुई दिन सम्म सञ्चालन हुने प्रतियोगितामा सहभागी खेलाडीहरुलाई मेडल प्रमाण पत्र वितरण गरिने आयोजक नेपाल गोजुकाई कराते डो संघले जनाएको छ ।
