काठमाडौं, १९ जेठ । ललितपुर महानगरपालिका-३ धोबीघाटस्थित नयाँ बाटो रिङरोडमा स्कोरपियो, पिकअप भ्यान र मोटरसाइकल एकआपसमा ठोक्किँदा दुई जनाको मृत्यु भएको छ।
दुर्घटनामा परी नुवाकोट घर भई काठमाडौं कलंकी बस्दै आएका मोटरसाइकल चालक चन्द्रमणि मुडवडी र मोटरसाइकलको पछाडि बसेका ललितपुर गोदावरीका गोविन्द शर्माको मृत्यु भएको हो। मृत्तक दुवै जना पत्रकार हुन्।
एकान्तकुनाबाट बल्खुतर्फ आउँदै गरेको बा १६ च ४७४३ स्कोरपियो गाडीले बल्खुबाट एकान्तकुनातर्फ जाँदै गरेको बा ११ च ८९४९ बोलेरो गाडी, बा १२ च ५७७६ नम्बरको महेन्द्रा पिकअप भ्यान र बा ४३ प ९८६३ नम्बरको पल्सर मोटरसाइकललाई आइतबार अपरान्ह ठक्कर दिएको हो।
