काठमाडौ, १६ असार । आइसीसी विश्वकप २०१९ को प्रतिस्पर्धामा इंगल्याण्डले भारतलाई हराएपछि पाकिस्तान तनावमा देखिएको छ । आफ्नो सेमिफाइनलको यात्रामा भारत भारी पर्ने भन्दै पाकिस्तानी प्रसंसकमा तनाव छाएको हो ।
आईतवार भएको खेलमा इंगल्याण्डको हारका लागि प्रार्थना गरिहेका पाकिस्तानी प्रशंसक भारतको हारसँगै अनुहारमा निरासा छाएको छ । कतिपयले भारतले पाकिस्तानीलाई सेमी–फाइनलमा जान रोक्नका लागि जानीजानी हारेको आरोप लगाउदै आइरहेका छन ।
सामाजिक संजालमा एमएस धोनीले सुस्त खेलेको भन्दै पाकिस्तानी समर्थकहरु रोष व्यक्त गरिरहेका छन ।इंग्ल्याण्डको जीतसँगै पाकिस्तानका लागि विश्वकपको यात्रा थप मुस्किल भएको छ । भारत र इंगल्याण्डको खेलअघि पाकिस्तान ९ अंकसहित इंगल्याण्डभन्दा अगाडि थियो । यो जीतसँगै इंग्यल्याण्डको १० अंक भयो र उसको अझै एउटा खेल बाँकी छ ।
