काठमाडौं, २७ असार । अविरल वर्षाले देशभर १७ जनाको मृत्यु भएको छ । नेपाल प्रहरीका अनुसार २६ असार देखि निरन्तर वर्षाका कारण बाढी र पहिरोले १७ जनाको मृत्यु भएको हो ।
घटनामा दर्जनौ वेपत्ता तथा घाइते भएका छन् । प्रहरीले बाढी प्रभावित स्थानहरुमा उद्दार जारी राखेको जनाएको छ ।
प्रहरीका अनुसार बाट काठमाडौं, ललितपुर, भक्तपुर, काभ्रेपलाञ्चोक, रामेछाप, सिन्धुली, रौतहट, धनुषा, चितवन, उदयपुर, पाँचथर, मकवानपुर, खोटाङ, दोलखा, धनकुटा, धादिङ, भोजपुर लगायत देशभरका विभिन्न स्थान प्रभावित भएका छन् ।
यसैगरी, गृह मन्त्रालयले क्षति बढिरहेको जनाएको छ । क्षतिको थप विवरण आउन बाँकी रहेको छ । अविरल वर्षाले नदीहरुको बहाव खतराको सूचीभन्दा माथि पुगेको छ ।
