काठमाडौं, २८ असार । प्रधानमन्त्री केपी शर्मा ओलीका प्रमुख राजनीतिक सल्लाहकार विष्णु रिमालले प्रधानमन्त्रीको विरोध गर्नेहरु छौंडा नै भएको बताएका छन् । शुक्रबार राति प्राईम टाईम्स टेलिजिनबाट प्रशारण भएको कार्यक्रम “जनता जान्न चाहन्छन्” कार्यक्रममा पत्रकार ऋषि धमलासँग कुरा गर्दै रिमालले यस्तो बताएका हुन् ।
रिमालले आफूले कुन प्रसँगमा र कुन अर्थमा छौंडा भनेको भन्ने कुरा आफूसँग सोध्नुपर्ने पनि बताए । तर, ठूला मिडियाहरले ट्विटको आधारमा समाचार लेखेकोमा आफूलाई आश्चर्य लागेको पनि उनको टिप्पणी छ । उनले प्रधानमन्त्री ओली चमत्कारी व्यक्ति भएकोले पाँच वर्षभित्र कसैले नसोचेको काम गरेर देखाउनेपनि दाबी गरे ।
