बार्बाडोज, ७ असोज । सन्दीपले टोलीलाई जित दिलाउने अवसर गुमाए बार्बाडोज, ७ असोज । क्याराबिन प्रिमियर लिग सीपीएल अन्तर्गत सोमबार राति भएको खेलमा उत्कृष्ट बलिङ गरेका नेपाली युवा क्रिकेटर सन्दीप लामिछानेले टोलीलाई जित दिलाउने अवसर गुमाएका छन् ।
सोमबार सन्दीप आवद्ध टोली बार्बाडोज ट्रिडेन्सले जमैका टेल्लवाससँग प्रतिस्पर्धा गरेको थियो । बार्बाडोजले टस जितेर बलिङ रोजेपछि पहिले ब्याटिङमा उत्रिएको जमैकाले २० ओभरमा सबै विकेट गुमाएर १२७ रन जोडेको थियो ।
१२८ रनको समान्य लक्ष्य पछ्याएको सन्दीपको टोली बार्बाडोजले ५ रनको हार व्यहोरेको छ । २० ओभरमा ९ विकेट गुमाएर १२२ रन मात्रै बनाउन सक्यो ।
१०औं नम्बरमा ब्याटिङमा आएका सन्दीपले समालिएर ब्याटिङ गर्दै ८ बलमा एक चौकासहित ९ रन बनाए पनि टोलीलाई जितसम्म लानका लागि योगदान दिएका थिए ।
अन्तिम दुई बलमा ६ रन चाहिएको बेलामा स्ट्राइकमा रहेका सन्दीपले दुवै बल डट खेले । ९औं विकेटका लागि रेमन रेइफर र सन्दीपले १४ बलमा ३२ रनको साझेदारी गरी टोलीलाई जित नजिक पुर्याएका थिए ।
