इंग्लिस प्रिमियर लिग फुटबलको लिग विजेता म्यानचेष्टर सिटी पराजित भएको छ । सिटीलाई उसकै घरेलु मैदानमा वुल्भरहेप्टनले पराजित गरेको हो ।
आइतबार साँझ भएको खेलमा सिटीमाथि वुल्भ्सले ८० औ मिनेटमा गोल गर्यो । खेलका नायक बनेका ट्राओरेले सिटीलाई स्तब्ध पार्ने गरी गोल गरे । बराबरीको लागि आक्रामक रणनीति अपनाएको सिटीमाथि इन्जुरी समयमा ट्राओरेले गोल गरे । सिटीविरुद्ध दुई गोल गरेर उनी फुटबलप्रेमीको ध्यान खिच्न सफल भएका छन् ।
सिटी घरेलु मैदानमा हारेपछि उसको लिग जित्ने आशामा झड्का लागेको छ । सिटीसँग लिगको तालिकामा शिर्षस्थानमा रहेको लिभरपुलले दूरी बढाउन सकेको छ ।
