काठमाडौं, कार्तिक १३ । जारी स्पेनिस ला लिगा फुटबल अन्र्तगत बार्सिलोना शीर्ष स्थानमा पुग्न सफल भएको छ । मंगलबार राति घरेलु मैदानमा भएको खेलमा बार्सिलोनाले रियल भालाडोलिडलाई ५–१ ले पराजित गरेको छ।
बार्सिलोनालाई जिताउन लियोनल मेस्सीले दुई तथा क्लेमेन्ट लेङ्गलेट, अटुरो भिडाल र लुइस स्वारेजले एक–एक गोलको योगदान दिदै पाँच गोल गरेका थिए भने रियल भालाडोलिडका लागि ओलिवास अल्बाले एक गोल गरेका छन् ।
