इस्लामिक स्टेटका नेता अबु बकर अल बगदादी लुकेको सिरियास्थित घरमा कालो पोशाकमा सुरक्षाकर्मी तैनाथ हुन्छन् । त्यति नै बेला बम हमला हुन्छ । हमलापछि बगदादीको सुरक्षार्थ खटिएकाहरुको भागाभाग हुन्छ ।
सुरक्षाकर्मी तितरवितर नहुँदै कालो दृश्यको धुवाँ देखिन्छ । अमेरिकी रक्षा मन्त्रालयले दुईतिरबाट विशेष दस्ताले आक्रमण गरेको जनाएको छ । दृश्यमा पनि त्यही देखिन्छ । जमिन र आकाश दुवैतर्फबाट आक्रमण गरिएको छ ।
घर कम्पाउन्डमा गरिएको आक्रमणको तस्बिर र भिडियो अमेरिकाले सार्वजनिक गरेको छ ।
शनिबार राति मारिएका आइएस नेता बगदादी सिरियामा लुकेको अवस्थामा रहेको सूचनापछि उनीमाथि आठवटा अमेरिकी युद्धक हेलिकोप्टरसहितको विशेष कमाण्डोले आक्रमण गरेका थिए । आक्रमणपछि सुरुंगमा भागेका बगदादीले आत्मघाती ज्याकेट पड्काएर मरेको अमेरिकी राष्ट्रपति डोनाल्ड ट्रम्पले आइतबार पत्रकार सम्मेलन गरेर जानकारी दिएका छन् ।
आक्रमणको फुटेज हेर्दा दर्जनौं हताहतीको सम्भावना देखिएको छ । आक्रमणपछि घर कम्पाउन्ड ध्वस्त पारिएको थियो ।
हेर्नुहोस् भिडियो:
"…at the compound, fighters from two locations in the vicinity of the compound began firing on U.S. aircraft participating in the assault." – Gen Frank McKenzie CDR USCENTCOM pic.twitter.com/SkrtHNDs7w
