काठमाडौं, मंसिर १० । कान्तिपुर मलले दशै, तिहार तथा छट पर्वको अवसरमा सञ्चालन गरेको उपहार योजनाको विजेतालाई उपहार वितरण गरिएको छ ।
जसअनुसार प्रथम उपहारमा सर्लाहीका १८ महिनाका बालक दिप्शन बस्नेतले १५० सिसिको यामाहा एफजेडएफआईभीथ्रि मोटरसाइकल प्राप्त गरेका छन् । उनका अभिभावकले उक्त मलमा किनमेल गर्दा उपहार परेको थियो ।
दोस्रो उपहार अन्तर्गत काठमाडौंका अनुराधा ज्ञवालीले यामाहाकै १५० सिसिको एफजेडएफआईभीटु मोटरसाइकल जितेको जनाइएको छ ।त्यस्तै तेस्रो पुरुस्कार काठमाडौंका अनिरुद्रजङग केसीले यामाहाकै १३३ सीसीको एफजेडएफआईभीटु मोटरसाईकल जितेका छन्।
