काठमाडौं, १४ माघ । प्रमुख प्रतिपक्षी दल नेपाली कांग्रेसको विद्यार्थी संगठन नेपाल विद्यार्थी संघका निवर्तमान उपाध्यक्ष विकास केसीले पार्टी सभापति शेरबहादुर देउवाको बेईज्जत गर्नेलाई आफूहरुले आकाश–पताल जहाँ गएपनि नछोड्ने चेतावनी दिएका छन् ।
सोमबार राति प्राईम टाईम्स टेलिभिजनबाट प्रशारण भएको ‘जनता जान्न चाहन्छन्’ कार्यक्रममा पत्रकार ऋषि धमलासँग कुरा गर्दै उनले यस्तो चेतावनी दिएका हुन् । उनले पार्टी कार्यालयमा ढुंगा हान्नेहरु अराजकको संज्ञा दिएका छन् ।
