काठमाडौं, १७ माघ । कप्तान लियोनल मेस्सीको प्रेरणादीय दुई गोलसँगै बार्सिलोनाले कोपा डेल रेमा लेगानसलाई ५–० को फराकिलो अन्तरले पराजित गरेको छ । यो जीतसँगै बार्सिलोना क्वाटरफाईनलमा प्रवेश गरेको छ ।
बार्साका लागि मेस्सीसँगै एन्टोनी ग्रिजम्यान, क्लेमेन्ट लेन्गलेट तथा आर्थरले एक–एक गोल गरेका थिए । बार्साले ग्रिजम्यानले खेलको चौथो मिनेटमा गरेको गोलबाट अग्रता लिएको थियो। त्यसपछि सो अग्रतालाई लेन्गलेटले खेलको २७ औं मिनेटमा दोब्बर पारे र पहिलो हाफ –(० को नतिजामा सकियो।
लेगानेसलाई ५–० को फराकिलो अन्तरले हराउने क्रममा दोश्रो हाफमा मेसीले खेलको ५९ र ८९ औं मिनेटमा गोल गरे। त्यसअघि खेलको ७७ औं मिनेटमा आर्थरले चौथो गोल गरेका थिए। एजेन्सी
