काठमाडौ, २२ माघ । ‘जुन मुलुकमा सत्ता र शक्तिको वरपर रहेका सांसदहरु ने पिडित र अपहेलित छन्,’ त्यहाँ निरिह जनताको हालत के होला ? सोमबार सिंहदरबारमा आधा दर्जन सांसदहरु यस्तै दुखेसो पोख्दै थिए । सांसद कल्याणी खड्का, भौतिक पूर्वाधार मन्त्रालयका सचिव देवेन्द्र कार्की, सडक विभागका हाकिम केशव शर्मालाई साक्षी राखेर आधा दर्जन सांसदले पीडा र अक्रोश पोखेका हुन् ।
संघीय संसदको विकास तथा प्रविधि समितिको बैठक डाकिएको थियो । पूर्व प्रधानमन्त्री झलनाथ खनाल, टोप बहादुर रायमाझी, प्रभु शाह, सञ्जय कु्मार गौतम, जिपछिरिङ लामा, कमला रोका, दामोदरभण्डारी, दुर्गा पौडेल, महिन्द्र राय यादव, मीनाक्षी झा देखि यज्ञराज सुनुवारहरुसम्म सदस्य रहेको समितिी हो त्यो । त्यहाँ उपस्थित भएका अनिलकुमार झा, आशा कुमारी विक, रंगमती शाही देखि राजेन्द्र प्रसाद लिङदेन लगायतले आफ्नो इज्जत जोगाउनै सकस परेको पिडाको पहाड ओकले ।
आशा कुमारीले भनिन् ‘विकासका काम अलपत्र पार्ने ठेकेदारसंग हामी सांसदलाई पनि जुत्ताको माला र मोसो दल्छु भन्छन् । जनता, कसरी, कुन मुख देखाउन गाउँ जाने ? प्रश्न तेस्र्याइन ‘अब हामी त्यहाँ योजना लिएर जाने की मोसो दलिन जाने ?’ सांसद भएको दुई वर्ष व्यतित गरीसक्दा समेत चुनावको बाचा पुरा गर्न नसक्दा गाउँ फर्कन समस्या भएको पीडा सुनाउने उनी मात्र एक्लै थिइनन् ।- जनआस्था साप्ताहिकबाट
