काठमाडौं, २६ माघ । पछिल्लो समय चर्चामा रहेको कोरोना भाइरसबाट अमेरिकी र जापानी गरी ७२२ जनाको मृत्यु भइसकेको अन्तर्राष्टिय मिडियाहरूले जनाएको छ । चीनबाट सुरु भएको कोराना भाइरस विश्वको विभिन्न देशमा फैलिएको जनाएको छ ।
कोरोना भाइरसका कारण मृत्यु हुनेको संख्या शनिबारसम्म ७ सय २२ पुगेको बताएको छ। कोरोनाबाट मृत्यु हुनेहरुमा दुई जना विदेशी रहेको चिनियाँ अधिकारीहरुले जानकारी दिएका छन्। उनीहरुले ६० वर्षिय एक अमेरिकी नागरिकको उहानमा बिहीबार मृत्यु भएको जानकारी दिएका छन् ।
चिनिया अधिकारीहरुका अनुसार ३५ सय जनामा यस भाइरसको सङ्क्रमण देखिएको जनाएको छ। कोरोनाका कारण चीन बाहिर भने अहिलेसम्म हङकङ र फिलिपिन्समा दुई व्यक्तिको मृत्यु भएको जनाएको छ।
एएफपी
