गोरखा, फागुन २२ । गोरखाको आरुघाट गाउँपालिका १ झोर्चेमा बोलेरो जीप दुर्घटना हुँदा एक जनाको मृत्यू भएको छ भने ७ जना घाइते भएका छन्। ग १ ज ५५०५ नम्बरको बोलेरो जीप दुर्घटना हुँदा धार्चे गाउँपालिका ६ का वडा सचिव किरण रिमालको घटनास्थलमै मृत्यु भएको छ।
समान्य वर्षात भएको र रातको समयमा उकालो कच्ची सडकमा जिप मोडमा चिप्लिएको अनुमान प्रहरीको छ। बुधवार राति ९ः३० बजे सडकबाट करिब दुई सय मिटर तल जिप खसेको छ।
दुर्घटनामा धार्चे गाउँपालिका उपाध्यक्ष फुलमाया गुरुङ सहित निसा गुरुङ, बालचन्द्र गुरुङ, धनबहादुर गुरुङ, टेयरसिंङ गुरुङ, सुरज नेपाल र सर्मिला गुरुङ घाइते भएको प्रहरीले जनाएको छ ।घाइतेलाई हेलिकप्टरबाट थप उपचारका लागि काठमाण्डौं ल्याउने तयारी भईरहेको समेत प्रहरीले बताएको छ ।
