एजेन्सी, १२ चैत्र । मोजाम्बिकमा जहाजको कन्टेरनमा ६४ जनाको शव भेटिएको छ । सिल्ड गरिएको जहाजको कन्टेनरमा भेटिएका सबै ६४ जना पुरुष भएको जनाइएको छ ।
संयुक्तराष्ट्रसंघको अफिस अफ माइग्रेसनले बुधबार प्रेस विज्ञप्तिमार्फत् यसको जानकारी गराएको हो । कन्टेनरमा १४ जना भने जिवितै फेला परेका थिए । उनीहरुको स्थानीय अस्पतालमा उपचार भइरहेको जनाइएको छ । जिवितहरुले दिएको बयान अनुसार उनीहरु इथियोपियाबाट दक्षिण अफ्रिका जान जोखिम मोलेका थिए ।
ट्रक चालक र उनका सहयोगी पक्राउ परेका छन् । उनीहरु मोजाम्बिकका नागरिक भएको बताइएको छ । उनीहरुलाई कन्टेनर ढुवानीवापत् ५०० डलर दिने गरी काम लगाइएको थियो ।
