दोस्रो कोरोना संक्रमित युवती पूर्ण स्वस्थ भई २७ दिनपछि घर फर्किईन्

काठमाडौं, ६ बैशाख । कोरोना भाइरस (कोभिड १९) बाट संक्रमित १९ वर्षीय युवती आज पूर्ण स्वस्थ भई घर फर्किएकी छिन् । उपचारको २७ दिनपछि पूर्ण रूपमा स्वस्थ भएर ती युवती आज (शनिबार) घर फर्किएकी छिन्। उनी शनिबार शुक्रराज ट्रपिकल तथा सरुवा रोग अस्पतालबाट डिस्चार्ज भएकी हुन्।

स्वास्थ्य तथा जनसंख्या मन्त्री भानुभक्त ढकालका प्रेस विज्ञ माधव तिवारीले जनाएअनुसार ती युवती आज पूर्ण स्वस्थ भई घर फर्किएकी हुन् । गत चैत ४ गतेफ्रान्सबाट कतार हुँदै नेपाल आएकी उनीमा कोरोना पुष्टि भएपछि गत चैत ९ गते राति उपचारका लागि टेकु अस्पताल भर्ना भएकी थिइन्।  उनी गत चैत ९ गते टेकु अस्पताल भर्ना भएकी थिईन् ।