काठमाडौं, २३ जेठ । नेपालमा कोरोना भाइरसको ठुलो संख्यामा संक्रमित थपिएका छन् । आज थपिएका सहित कुल संक्रमित संख्या ३ हजारको आसपास पुगेको बुझिएको छ ।
विश्वस्त स्रोतका अनुसार सयौंको संख्यामा देशभर संक्रमित थपिएका छन् । अधिकांश थपिएका संक्रमित क्वारेन्टाइनमा राखिएकाहरु छन् । उनीहरुमध्ये धेरैजसो भारतबाट फर्किएकाहरु छन् । यसको औपचारिक जानकारी स्वास्थ्य मन्त्रालयले अहिले सवा ४ बजे दिने भएको छ ।
यसअघि हिजो एकै दिन किर्तिमानी ३३४ कोरोना भाइरसका संक्रमित थपिएपछि कुल संक्रमित संख्या २ हजार ६ सय ३४ पुगेको थियो । थपिएकामा पुरुष ३१९ र महिला १५ जना थिए । कुल संक्रमित मध्ये पुरुष २४ सय ५० र महिला १८४ जना छन् ।
