रुपन्देही, जेठ २७ । रुपन्देहीको तिलोत्तमा-१० कान्छीबजार मैनहवामा सोमबार राती पाँच जनाको सामूहिक हत्या भएको छ ।
कुखुरा फार्ममा काम गर्ने ५ जनाको हत्या भएको र उक्त फर्ममा काम गर्ने अर्काे एक जना अज्ञात रहेको प्रहरीले बताएको छ । फरार रहेको सुर्खेतका झपेन्द्र सिंजालीको बारेमा प्रहरीले खोजि गरिरहेको छ । मृत्यु हुनेहरुमा एक जना महिला र चार जना पुरुष छन् ।
अवेर राती भएको उक्त घटनामा सिंजालीको हात हुन सक्ने भन्दै प्रहरीले अनुसन्धानसंगै फरारको खोजि भईरहेको जिल्ला प्रहरी कार्यालयले जनाएको छ ।
