स्पेन, ६ असार । स्पेनिश ला लिगा फुटबलमा लिग लिडर बार्सिलोनालाई उपाधि होडमा गम्भिर धक्का लागेको छ । सेभिल्लासँग गोलरहित बराबरी खेलसँगै उसलाई उपाधि होडमा धक्का लागेको हो । बार्साको बराबरीसँगै दोस्रो स्थानमा रहेको रियाल मड्रिडलाई बार्सिलोनासँग दबाब बढाउन मद्दत पुगेको छ ।
३० खेलबाट ६५ अंक जोड्दा एक खेल कम खेलेकोको रियालको ६२ अंक छ । तेस्रो स्थानको सेभिल्लाको ५२ अंक छ । खेलमा बार्साले निकै दबाब बनाएपनि गोल गर्न भने चुकेको थियो । खेलमा एकछिन तनावको वातावरणसमेत सिर्जना भएको थियो । खेलाडीहरु एक आपसमा धकेलाधकेलीमा उत्रिएका थिए । एजेन्सी
