काठमाडौ, ६ असार । सशस्त्र प्रहरी बलले उत्तरी सीमामा आफ्नो उपस्थिती तीब्र पारेको छ ।चीन जोडिएको हुम्लाको हिल्सा नाका सशस्त्र प्रहरीको बोर्डर आउट पोष्ट (बीओपी) स्थापना भएको छ। समुद्री सतहबाट तीन हजार चार सय ४० मिटर उचाईमा रहेको हिल्सामा बीओपी स्थापना भएको हो ।
त्यहाँ स्थापित बीओपीको शनिबार मात्रै उद्घाटन भएको छ। हुम्लास्थित ४४ नम्बर गुल्मले हिल्सामा इन्सपेक्टरको कमाण्डमा २३ जना खटाएका हुन् । मानसरोवर जाने एक मात्र मार्ग हिल्सा नाका हो । सशस्त्र प्रहरी बिओपी पोष्ट भाडाको घरमा स्थापना गरिएको हो ।
