काठमाडौं, ७ साउन । विश्वविद्यालय र कक्षा १२ को स्थगित परीक्षा दशैं अगावैबाट शुरु हुने भएको छ । विश्वविद्यालयहरुले परीक्षाको मिति समेत सार्वजनिक गर्न थालेका छन् ।
त्रिभुवन विश्वविद्यालयले इञ्जिनियरिङ्गको परीक्षाको मिति सार्वजनिक गरेको छ । अन्य स्थगित परीक्षा पनि गर्ने तयारी भएको बुझिएको छ ।
यसैगरी, कक्षा १२ को परीक्षा पनि भदौमा गर्ने तयारी भएको राष्ट्रिय परीक्षा बोर्डले परीक्षाको तयारी गरेको हो ।
कोभिड १९ को जोखिमलाई दृष्टिगत गरी सरकारले शैक्षिक संघसंस्था बन्द गरी सम्पूर्ण प्रक्रिया स्थगित गरेको थियो । लकडाउनपछि एसईईको आन्तरिक मुल्यांकनबाट अंक दिने निर्णय भइसकेको छ । कक्षा ११ को पनि परीक्षा नहुने र आन्तरिक मुल्यांकनको टुंगो लागिसकेको छ । तर, विश्वविद्यालय र कक्षा १२ को परीक्षा भने हुने भएको छ ।
सरकारले भदौ १ बाट विद्यालयको भर्ना शुरु गर्ने निर्णय गरिसकेको छ ।-File Photo
