दाङ, २३ असोज । अवैध लागूऔषध ब्राउन सुगरसहित २ जनालाई बिहीबार दिउँसो प्रहरीले पक्राउ गरेको छ । गढवा गाउँपालिका धानखोलास्थित सडकबाट ४ ग्राम ३ सय ८० मिलिग्राम अवैध लगूऔषध ब्राउनसुगर जस्तो देखिने खैरो पदार्थ सहित २ जना पक्राउ परेका हुन् ।
पक्राउ पर्नेहरुमा घोराही डुम्बरगाउँका गणेश रोका र सोही ठाउँका रमेश सुनार रहेका छन् । ईलाका प्रहरी कार्यालय भालुवाङबाट खटिएको प्रहरीले रा.१ प ४०५७ नम्बरको मोटरसाइकल जाँच गर्ने क्रममा मोटरसाइकल चालक सुनार र मोटरसाइकल सवार रोकालाई उक्त पदार्थ सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
