झापा, २५ असोज । श्रीमतीको हत्या गरेको अभियोगमा रामजी थापालाई शनिबार साँझ प्रहरीले पक्राउ गरेको छ । श्रीमती २४ वर्षीया रिता थापालाई धारिलो हतियार खुकुरी प्रहार गरी हत्या गरेको अभियोगमा कमल गाउँपालिका त्रिवेणी चोकका थापा पक्राउ परेका छन् ।
घरायसी बिबादको कारण रामजीले खुकुरी प्रहार गर्दा रीता थापाको घटनास्थलमै मृत्यु भएको थियो । ईलाका प्रहरी कार्यालय दमक र प्रहरी चौकी तोपगाछीबाट खटिएको प्रहरीले उनलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
