काठमाडौं, २८ मंसिर । प्रमुख प्रतिपक्षी नेपाली काँग्रेसको भ्रातृ संगठन नेपाल विद्यार्थी संघले आज काठमाडौंमा सिठ्ठी जुलुश निकालेको छ । काठमाडौंमा त्रिचन्द्र कलेज परिसरमा नेविसंघका केन्द्रीय अध्यक्ष राजीव ढुंगानासहितका विद्यार्थी नेताले सिठी जुलुस निकालेका थिए । कांग्रेसले भोलि देशव्यापी रुपमा सरकारको विरोधमा प्रदर्शन गर्दैछ। त्यसको पूर्व सन्ध्यामा नेविसंघले आज देशका विभिन्न ठाउमा ४ बजे नेविसंघले सिठ्ठी फुकेर प्रदर्शन गर्न गरेको थियो ।
नेविसंघले विभिन्न जिल्लामा सिठी जुलुस निकालेर सरकारका गलत गतिविधि रोक्न जनतालाई जागरण गराएको नेविसंघ नेताहरुको भनाइ छ । देशभर अपराह्न चार बजे एकसाथ सिठी जुलुस निकालेर सोमबारको कार्यक्रमको प्रचारप्रसार गर्दै जनतालाई सडक प्रदर्शनका लागि आह्वान गरिएको नेताहरुले जानकारी दिएका छन् । तस्विर : मुकुन्द कालिकोटे, रिपोर्टर्स नेपाल डटकम
