काठमाडौं, २९ मंसिर । कोरोना संक्रमणबाट आज थप १८ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या १७१६ पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित ८ सय २१ थपिएका छन् । आज ८ सय ४२ जना कोरोना संक्रमणबाट निको भई घर फर्केका छन् । हालसम्म २ लाख ४९ हजार २ सय ४४ संक्रमित भएपनि २ लाख ३६ हजार ५ सय ७३ जना संक्रमण निको भई डिस्चार्ज भईसकेका छन् भने १० हजार ९ सय ५५ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
