एजेन्सी २४ पुस। म्यानचेस्टर सिटी लगातार चौथोपटक इंग्लिस ‘काराबाओ कप’को फाइनलमा प्रवेश गरेको छ ।
सिटीले लिगको एउटै शहरी प्रतिस्पर्धी म्यानचेस्टर युनाइटेडलाई सेमिफाइनलमा २–० गोलअन्तरले हराउँदै उपाधिनजिक पुगेको हो ।
बुधबार राति भएको खेलमा सिटीका लागि ५०औं मिनेटमा जोन स्टोनेसले पहिलो गोल गरेर टिमलाई अग्रता दिलाएका थिए ।
त्यसपछि ८३औं मिनेटमा फर्नान्डिन्होले दोस्रो गोल थपेपछि सिटीको २–० को जित पक्का भयो ।अब सिटीले कपको उपाधिका लागि प्रिमियर लिगकै टोली टोटनह्यामसँग भिडन्त गर्ने भएको छ । फाइनल खेल आगामी अप्रिल २५ मा हुनेछ ।
