काठमाडौँ, २६ माघ। जनता समाजवादी पार्टी नेपाल (जसपा)का अध्यक्ष महन्थ ठाकुर र नेता राजकिशोर यादव आज (सोमबार) दिल्ली प्रस्थान गरेका छन् ।
अध्यक्ष ठाकुर भैरहवा हुँदै भारतको गोरखपुरबाट दिल्ली उडेका भने नेता यादव काठमाडौंबाट सिधै दिल्ली उडेका हुन् । देशमा राजनीतिक संक्रमण बढिरहेको बेला जसपा नेपालका दुई नेताहरु दिल्ली प्रस्थान गरेको अर्थपूर्ण मानिएको छ ।
तर, नेताहरुको भ्रमण राजनीति नभई व्यक्तिगत रहेको जनाइएको छ । अध्यक्ष ठाकुर नियमित स्वास्थ्य जाँचका लागि दिल्ली गएका हुन् भने नेता यादवको व्यक्तिगत भ्रमणमा रहेको जनाइएको छ ।
