पर्सा,१९ बैशाख । लागुऔषध चरेशसहित एकजना पक्राउ परेका छन् । पटेर्वासुगौली गाउँपालिका–५ निचुटा बस्ने ३७ वर्षीय लक्ष्मी राउत कुर्मीलाई करिब ३ केजी अवैध लागूऔषध चरेश जस्तो देखिने धुलो पदार्थ सहित शनिबार राति प्रहरीले पक्राउ गरेको हो ।
कुर्मीको घरमा लागूऔषध रहेको खबर प्राप्त हुनासाथ ईलाका प्रहरी कार्यालय पटेर्वासुगौलीबाट खटिएको प्रहरीले उनको घर तलासी लिने क्रममा लुकाईछिपाई राखेको अवस्थामा उक्त पदार्थ फेला पारी उनलाई पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको छ ।
