कञ्चनपुर, २८ बैशाख । अवैध लागूऔषध सहित २ जनालाई सोमबार साँझ प्रहरीले पक्राउ गरेको छ । बेलडाँडी गाउँपालिका–२ क्याम्पबाट १२ ग्राम २ सय ८० मिलिग्राम अवैध लागूऔषध खैरो हेरोइन जस्तो देखिने पदार्थ सहित २ जना पक्राउ परेका हुन् ।
पक्राउ पर्नेहरुमा भिमदत्त नगरपालिका–१० तिलकेनी बस्ने २१ वर्षीय लक्ष्मण धामी र बझाङ बुगल नगरपालिका–८ जजल्ली बस्ने २२ वर्षीय नरेन्द्र जाग्री रहेका छन् । बा.४२ प ५४४६ नम्बरको मोटरसाइकललाई ईलाका प्रहरी कार्यालय बेलडाँडीबाट खटिएको प्रहरीले जाँच गर्ने क्रममा उक्त पदार्थ सहित फेला पारी मोटरसाइकल चालक धामी र मोटरसाइकलमा सवार जाग्रीलाई पक्राउ गरको जनाएको छ । यस सम्बन्धमा प्रहरीले थप अनुसन्धान गरिरहेको छ ।
