काठमाडौं, ३० बैशाख । आज नेपाली बजारमा सुनको मुल्य घटेको छ । बुधबार छापावाला सुन प्रतितोला ९२ हजार रुपैयाँमा कारोबार भएको आज ४ सय रुपैयाँले घटेको हो ।
नेपाल सुनचाँदी व्यवसायी महासंघको अनुसार आज छापावाल सुन प्रतितोला ९१ हजार ६ सय रुपैयाँमा खरिद विक्रि भैरहेको छ । त्यस्तै, हिजो प्रतितोला ९१ हजार ५ सय रुपैयाँमा किनबेच भएको तेजाबी सुन आज प्रतितोला ९१ हजार १ सय रुपैयाँमा कारोबार भैरहेको छ ।
त्यसैगरी, चाँदीको मुल्य प्रतितोला १० रुपैयाँले घटेर आज १३ सय ३५ रुपैयाँ कायम भएको महासंघले जनाएको छ । बुधबार चाँदी प्रतितोला १३ सय ४५ रुपैयाँमा कारोबार भएको थियो ।
