काठमाडौं, ९ जेठ । अवैध लागूऔषध सहित २ जनालाई शुक्रबार दिउँसो प्रहरीले पक्राउ गरेको छ । मेचीनगर नगरपालिका–६ बद्री टोलबाट ५ ग्राम अवैध लागूऔषध ब्राउनसुगर जस्तो देखिने पदार्थ सहित २ जना पक्राउ परेका हुन् ।
पक्राउ पर्नेहरुमा सोही ठाउँ बस्ने २६ वर्षीय सुमन दनुवार र दमक नगरपालिका-५ बस्ने २१ वर्षीया समिता राई रहेका छन् । उक्त टोलमा अवैध लागूऔषध बिक्री भइरहेको भन्ने विशेष सूचनाको आधारमा सिमा प्रहरी चौकी नकलबन्दा र लागूऔषध नियन्त्रण व्यूरो काँकडभिट्टाबाट खटिएको संयुक्त प्रहरीले उनीहरुलाई उक्त पदार्थ बिक्री गर्दै गरेको अवस्थामा फेला पारी पक्राउ गरेको जनाएको छ ।
