काठमाडौं, १३ जेठ । अवैध लागूऔषध सहित एक युवक पोखराबाट पक्राउ परेका छन् । कास्कीको माछापुच्छ्रे गाउँपालिका–८ बुनेखोलाबाट करिब ३ सय ग्राम अवैध लागूऔषध गाँजा सहित पोखरा महानगरपालिका–२ बाग्लुङ बसपार्क बस्ने गोरखा सुलिकोट गाउँपालिका–४ सौरपानी घर भएका ३० वर्षीय कृष्णा नेपालीलाई मंगलबार राति प्रहरीले पक्राउ गरेको हो ।
सिदिङबाट पोखरातर्फ आउँदै गरेको ग.१ ख ४४२९ नम्बरको मिनीट्रकलाई अस्थायी प्रहरी पोष्ट भेडाबारीबाट खटिएको प्रहरीले जाँच गर्ने क्रममा ट्रकमा सवार उनलाई उक्त गाँजा सहित फेला पारी पक्राउ गरेको हो ।
