काठमाडौँ, १६ जेठ। आज देशभर ४ हजार ३ सय ६९ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै १ हजार ९३ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा ८०४ , ललितपुरमा १७६ र भक्तपुरमा ११३ संक्रमित थपिएका हुन् । आज २४ घन्टामा ६ हजार २ सय ५ जना संक्रमणमुक्त भएका छन् । योसंगै संक्रमणमुक्त हुनेको संख्या ४ लाख ४० हजार ९ सय ५५ पुगेको छ ।
आज नेपालमा ४ हजार ३ सय ६९ जना कोरोना संक्रमित थपिएका छन् । योसंगै कुल संक्रमितको संख्या ५ लाख ५७ हजार ७ सय ९१ पुगेको छ ।
कोरोना संक्रमणबाट आज थप १०९ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ७ हजार २ सय ७२ पुगेको छ । १० हजार ९ सय ८६ जनाको पिसीआर परिक्षणमा ३ हजार ७ सय २ र १७ सय ८४ जनाको एन्टिजेन परिक्षण गर्दा ६ सय ६७ जनालाई संक्रमण पुष्टि भएको छ ।
