काठमाडौं, ८ असार । कोरोना संक्रमणबाट आज थप ४१ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ८ हजार ८ सय १३ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका ४ हजार ५ सय २२ जना संक्रमित थपिएसंगै कुल संक्रमितको संख्या ६ लाख २६ हजार ३ सय ४३ पुगेको छ । मन्त्रालयको अनुसार आज १६ हजार ९ सय १३ परीक्षणमा ४ हजार ५ सय २२ जनामा संक्रमण पुष्टि भएको हो ।
आज ४ हजार ९ सय ५४ जना संक्रमणमुक्त भएका छन् । हालसम्म ५ लाख ६४ हजार ८ सय ८२ जना संक्रमणमुक्त भएको मन्त्रालयले जारी गरेको विज्ञप्तीमा उल्लेख छ ।
