काठमाडौं, ९ असार । आज नेपाली बजारमा सुनको मुल्य ३ सयले घटेको छ । साताको कारोबारको चौथो दिन आज छापावाल सुनको मुल्य प्रतितोला ९० हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
हिजो प्रतितोला ९१ हजार रुपैयाँमा कारोबार भएको थियो । त्यस्तै, आज तेजाबी सुनको मुल्य पनि घटेको छ । मंगलबार ९० हजार ५ सय रुपैयाँमा किनबेच भएको सुनको मुल्य आज ९० हजार २ सय रुपैयाँमा कारोबार भएको हो ।
यसैगरी, चाँदीको मुल्य पनि आज ५ रुपैयाँले घटेर प्रतितोला १२ सय ९५ रुपैयाँमा कारोबार भैरहेको महासंघले जनाएको छ ।
