काठमाडौं, ९ असार । कोरोना संक्रमणबाट आज थप ८१ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ८ हजार ८ सय ९४ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार ४ सय २१ जना संक्रमित थपिएसंगै कुल संक्रमितको संख्या ६ लाख ५६ हजार ८ सय ९१ पुगेको छ । मन्त्रालयको अनुसार आज १२ हजार ४ सय १४ परीक्षणमा २ हजार ४ सय २१ जनामा संक्रमण पुष्टि भएको हो ।
आज ३ हजार ५ सय ५८ जना संक्रमणमुक्त भएका छन् । हालसम्म ५ लाख ६८ हजार ४ सय ४० जना संक्रमणमुक्त भएको मन्त्रालयले जारी गरेको विज्ञप्तीमा उल्लेख छ ।-File Photo
