मोरङ, १४ असार । एटिएम तोडफोड गर्दै गरेको अवस्थामा एक युवक पक्राउ परेका छन् । बुढीगंगा गाउँपालिका ३ टंकी चोकस्थित एनआईसी एशिया बैंकको एटिएम तोडफोड गर्दै गरेको अवस्थामा सोही ठाउँ बस्ने सुनसरी दुहबि नगरपालिका ९ घर भएका २४ वर्षीय मो।ईम्तियाजलाई आइतबार राति प्रहरीले पक्राउ गरेको हो ।
उक्त बैंकको एटिएम तोडफोड भईरहेको खबर प्राप्त हुनासाथ सिआरभी पोष्ट बाँसबारीबाट खटिएको प्रहरीले उक्त एटिएम तोडफोड गर्दै गरेको अवस्थामा उनलाई १ थान ताला फोडन प्रयोग भएको हतौडा, १ थान पेचकस, १ थान छिनो र को.३९ प ४८६४ नम्बरको मोटरसाइकल सहित पक्राउ गरेको जनाएको छ । उक्त कार्यमा संलग्न सोही ठाउँ बस्ने २५ वर्षीय मो।अनिस हुसेन फरार रहेकोले प्रहरीले खोजी गरिरहेको बताएको छ । यस सम्बन्धमा प्रहरीले थप अनुसन्धान भइरहेको छ ।
