काठमाडौं, १७ असार । कोरोना संक्रमणबाट आज थप ३३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार १ सय ४५ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार ७ सय ६० जना संक्रमित थपिएसँगै कुल संक्रमितको संख्या ६ लाख ४० हजार ६ सय ६२ पुगेको छ ।
आज ४ हजार १७ जना संक्रमणमुक्त भएका छन् । हालसम्म ६ लाख १ सय ४९ जना संक्रमणमुक्त भएका छन् । मन्त्रालयको अनुसार २४ घन्टामा १० हजार ९ सय ८५ जनाको परीक्षणबाट १८ सय ५७ जना पिसीआर विधिबाट र ९०३ जना एन्टीजेन विधिबाट संक्रमण पुृष्टि भएको हो ।
