काठमाडौं, २२ असार । कोरोना महामारीमा सम्पुर्ण क्षेत्रमा ठुलो प्रभाव परेको छ । सिनेमा क्षेत्रमा पनि कोरोनाको ठुलो असर परेको छ । नेपाल चलचित्र संघको अनुसार हालसम्म २२ भन्दा बढी सिनेमा हल बन्द भइसकेका छन् भने ३०/४० वटा हल बन्द हुने अवस्थामा रहेको छन् ।
क्युएफएक्स चेनको जय नेपाल हल लकडाउनपछि बन्द भएको हो । कोरोनाका कारण खर्च धान्न नसक्ने भएपछि क्युएफएक्स चेनको कमलपोखरीमा रहेको अडिटोरियमको कुमारी हल पनि सधैका लागि बन्द भएको छ ।
फिल्मको च्यारिटी, प्रिमियर शो, प्रेस मिट, फिल्म महोत्सव लगायतका लागि पनि कुमारी हल अत्याधिक प्रयोग हुन्थ्यो । जय नेपाल र कुमारी हल सधैंका लागि बन्द भए पनि क्यूएफएक्सले वीरगञ्ज र दमौलीमा थप दुई नयाँ सिनेमा हल संचालनमा आएको छ । यो सहित क्यूएफएक्सको आउटलेट संख्या १२ पुगेको छ ।
