काठमाडौं, ६ भदौ । बैंक अफ काठमाण्डूले कन्ट्याक्टलेस भिसा डेबिट कार्डको सुरुवात गरेको छ । बैंकले उक्त कार्ड ट्याप सुविधा भएको पीओएस मेसिनहरुमा प्रयोग गरी ग्राहकले भुक्तानी गर्न सक्ने जनाएको छ । यस प्रविधिमा मेसिन भित्र कार्ड नराखी एउटा सीमित दूरीबाट पीओएस मेसिनमा ट्याप मात्र गरी भुक्तानी गर्न सकिन्छ ।
कोरोनाको महामारीमा कन्ट्याक्टलेस कार्डको माध्यमबाट भुक्तानी गर्दा ग्राहकले व्यक्तिगत दूरी कायम गर्न सहज हुने बैंकले बताएको छ । हाललाई यस प्रविधिमार्फत ग्राहकले प्रति कारोबार दुई हजार रुपैयाँसम्म कारोबार गर्न सक्नेछन् ।
बैंक अफ काठमाण्डूले ९० शाखा कार्यालयहरु, ७८ एटीएम र १० एक्स्टेन्सन काउन्टरबाट आफ्ना ग्राहकलाई सेवा दिँदै आइरहेको छ ।
